خواندی‌ ڕامۆسی‌ ڕاهێنه‌ری‌ پێشوی‌ یانه‌ی‌ سیڤیلیه‌ی‌ ئیسپانی‌ و ئێستایی‌ یانه‌ی‌ تۆتنهامی‌ ئینگلیزی‌ بڕوابونی‌ خۆی‌ ڕاده‌گه‌یه‌نێت كه‌ ڕیال مه‌درید ئه‌مساڵیش لیگا به‌ده‌ست دێنێت .
له‌میانه‌ی‌ ئاهه‌نگێكدا به‌بۆنه‌ی‌ كردنه‌وی‌ یاریگایه‌ك له‌ ئیسپانیا ، خواندی‌ راِمۆس ووتی‌ : ئه‌مساڵیش وه‌كو ساڵی‌ ڕابردوو چۆن ڕیال مه‌درید نازناوه‌كه‌ی‌ برد ، ئه‌مساڵیش به‌هه‌مان شێوه‌یه‌ ده‌توانێت نازناوی‌ خولی‌ ناوخۆیی‌ ئیسپانیا به‌ده‌ست بهێنێت .
هاوكات خواندی‌ ڕامۆس باسی‌ له‌ئاستی‌ هه‌ڵبژارده‌ی‌ تۆپی‌ پێی‌ ئیسپانیا كردوو ڕایگه‌یاند كه‌ هه‌ڵبژارده‌كه‌ له‌پاڵه‌وانێتی‌ جامی‌ نه‌ته‌وه‌كانی‌ ئه‌وروپای‌ 2008 ده‌توانێت ئاستێكی‌ باش نیشان بدات و نزیك ببێته‌وه‌ له‌به‌ده‌ست هێنانی‌ نازناوه‌كه‌ .

بڕیاره‌ لیۆ میسی ئه‌رجه‌نتینی و هێرشبه‌ری یانه‌ی به‌رشه‌لۆنه‌ی ئیسپانی له‌چه‌ند ڕۆژی داهاتودا بگه‌ڕێته‌وه‌ شاری به‌رشه‌لۆنه‌.
خۆرخێ میسی باوكی یاریزانی به‌توانای ئه‌رجه‌نتین و یانه‌ی به‌رشه‌لۆنه‌ی ئیسپانی "لیۆ میسی" كه‌له‌هه‌مان كاتدا وه‌كیلی كاره‌كانی ئه‌و یاریزانه‌یه‌، له‌لێدوانێكی ڕۆژنامه‌وانیدا به‌ته‌واوی هه‌وادارانی كوڕه‌كه‌ی ڕاگه‌یاند كه‌ میسی باری ته‌ندروستی له‌باشیدایه‌و دوشه‌ممه‌ی داهاتووش ده‌گه‌ڕێـته‌وه‌ به‌رشه‌لۆنه‌، ناوبراو له‌و لێدوانه‌یدا وتی "ئێستا میسی باری ته‌ندروستی زۆر باشه‌و ڕۆژله‌دوای ڕۆژیش به‌ره‌و باشتر ده‌ڕوات، پێده‌چێت دوشه‌ممه‌ی داهاتوو بگه‌ڕێته‌وه‌ شاری به‌رشه‌لۆنه‌و له‌وێ ئه‌و به‌مه‌به‌ستی چاره‌سه‌ركردنی ته‌واو ده‌واكانی به‌كاردێنێت."
خۆرخێ ئه‌وه‌شی ڕاگه‌یاند كه‌ میسی ده‌ستی به‌ڕاهێنان كردوه‌و هه‌ندێك جار ڕاكردنی سوك وه‌ك مه‌شق به‌كاردێنێت و بۆماوه‌یه‌كی كورت ئه‌و ڕاهێنانه‌ ده‌كات.

ئه‌و كه‌لله‌یه‌ی كه‌زێدانی فه‌ره‌نسی له‌ماتیراتزی ئیتاڵی وه‌شاند ئه‌مشه‌و به‌رامبه‌ر یاریزانێكی ئه‌رجه‌نتینی نوێ كرایه‌وه‌.
پاش ئه‌وه‌ی زێدانی فه‌ره‌نسی له‌یاری كۆتایی مۆندیالی ڕابردوو له‌په‌رچه‌كردارێكدا كه‌لله‌یه‌كی ئاڕاسته‌ی ماتیراتزی یاریزانی ئیتاڵی و یانه‌ی ئه‌نته‌رمیلان له‌هه‌مان ولات كرد، ئه‌مشه‌و بۆ جارێكی تر ئه‌و كه‌لله‌یه‌ نوێكرایه‌وه‌و له‌لایه‌ن یاریزانێكی تره‌وه‌ زیندوكرایه‌وه‌، كه‌لله‌كه‌ جیاواز له‌كه‌لله‌كه‌ی زێدان له‌نێو یاریگای یانه‌ی ئیشبیلیه‌ له‌لایه‌ن ماریسكای ئیتاڵی و یاریزانی یانه‌ی ناوبراوه‌وه‌ به‌رامبه‌ر به‌ ئه‌گویرۆی ئه‌رجه‌نتینی و هێرشبه‌ری یانه‌ی ئه‌تڵه‌تیكۆ مه‌درید ئه‌نجامدرا، گه‌ر كه‌لله‌كه‌ی زێدان له‌ده‌ره‌نجامی وته‌ ناشرینه‌كانی ماتیراتزیه‌وه‌ بوبێت، به‌ڵام ئه‌م كه‌لله‌یه‌ جیاواز له‌وه‌ی پێشوو به‌هیچ هۆكارێك وه‌شێنرا، پاش وه‌شاندنی كه‌لله‌كه‌ش له‌لایه‌ن داوه‌ری یاریه‌كه‌وه‌ یاریزانه‌ ئیتاڵیه‌كه‌ كرایه‌ ده‌ره‌وه‌ی یاریگاو پێده‌چێت له‌لایه‌ن فیفاو یه‌كێتی تۆپی پێی ئیسپانیه‌وه‌ ئیجرائاتی تری له‌گه‌ڵدا بكرێت.

 ڤاله‌نسیای‌ ئیسپانی‌ به‌رشه‌ی‌ له‌خه‌و هه‌ستاندوو له‌و خه‌ونه‌ خۆشه‌ی‌ كرد كه‌به‌جامی‌ مه‌لیكه‌وه‌ ده‌یبینی‌ .
ئه‌گه‌رچی‌ یانه‌ی‌ به‌رشه‌لۆنه‌ی‌ ئیسپانی‌ به‌ئومێدێكی‌ زۆره‌وه‌ ده‌یڕوانیه‌ جامی‌ مه‌لیكی‌ ئیسپانیاو به‌نیازی‌ به‌ده‌ستهێنانی‌ یه‌كه‌مین جامی‌ ئه‌مساڵی‌ بوو, به‌ڵام یانه‌ی‌ ڤالنسیا بێهیوای‌ كرد و له‌نێو یارگای‌ خۆیدا به‌سێ‌ گۆڵی‌ جوان له‌به‌رامبه‌ری‌ دووگۆڵی‌ به‌رشه‌دا یاریه‌كه‌ی‌ برده‌وه‌و به‌و شێوه‌یه‌ش توانی‌ بۆ یاری‌ كۆتای‌ و بۆ ڕووبه‌ڕووبونه‌وه‌ له‌گه‌ڵ یانه‌ی‌ خیتافیدا به‌ڕێبكه‌وێت .
له‌م یاریه‌دا كه‌به‌یاری‌ گه‌ڕانه‌وه‌ ده‌ژمێردرا بۆ یانه‌ی‌ ڤاله‌نسیا و دوای‌ ئه‌وه‌ی‌ له‌یاری‌ ڕۆیشتنیشدا له‌ نێو یارگای‌ كه‌ته‌لۆنی‌ به‌رامبه‌ر بوون به‌ یه‌ك گۆڵ, ڤاله‌نسیا توانی‌ به‌شێكی‌ زۆر له‌ هێرشه‌كانی‌ به‌رشه‌لۆنه‌ له‌نێو هێڵی‌ جه‌زادا په‌ك بخات و سودیش له‌ ئاماده‌نه‌بوونی‌ میسی‌ و ڕۆناڵدینهۆ وه‌ربگرێت و به‌ته‌واوی‌ خه‌ونی‌ به‌شه‌لۆنه‌ش له‌باربه‌رێت به‌ جامی‌ مه‌لیكی‌ ئیسپانیاوه‌.

 ئه‌مشه‌و یانه‌ی به‌رشه‌لۆنه‌ی ئیسپانی له‌به‌رده‌م ئه‌ركێكی قورسدا خۆی ده‌بینێته‌وه‌و بۆ ڕزگاربون له‌مردن پێویستی به‌موعجیزه‌ هه‌یه‌.
بڕیاره‌ ئه‌مشه‌و له‌میانی یاری گه‌ڕانه‌وه‌ی قۆناغی پێش كۆتایی جامی ئیسپانیا هه‌ردوو یانه‌ی "فالنسیا و به‌رشه‌لۆنه‌" به‌یه‌ك بگه‌ن، یاریه‌كه‌ له‌یاریگای یانه‌ی "مێستایا"ی تایبه‌ت به‌یانه‌ی یه‌كه‌م به‌رێوه‌ده‌چێت و یاریه‌كی گرنگ و به‌هێزی لێ چاوه‌ڕوانده‌كرێت، یانه‌ی فالنسیا كه‌له‌یاری پێشوداو له‌ده‌ره‌وه‌ی یاریگای خۆی به‌ئه‌نجامێكی تاڕاده‌یه‌ك باش هاته‌ ده‌ره‌وه‌و له‌گه‌ڵ ئه‌وه‌ی به‌یه‌كسانی و به‌گۆڵێك بۆ هه‌ردولا یاریه‌كه‌ كۆتایی هات، به‌لام تۆماركردنی ئه‌و گۆڵه‌ی فالنسیا گرنگی بۆ ئه‌م یاریه‌ ده‌بێت و گه‌ربتوانێت له‌م یاریه‌دا پارێزگاری له‌تۆڕی گۆڵه‌كه‌ی بكات ڕاسته‌وخۆ به‌ره‌و یاری كۆتایی هه‌نگاوده‌نێت، له‌به‌رامبه‌ردا یانه‌ی به‌رشه‌لۆنه‌ بۆ ئه‌م یاریه‌ ئه‌ركی قورسه‌، چونكه‌ له‌لایه‌ك هه‌ندێك له‌یاریزانه‌ باشه‌كانی به‌هۆی پێكانه‌وه‌ی به‌شدارنابن، له‌لایه‌كی تره‌وه‌ له‌ده‌ره‌وه‌ی یاریگای خۆی ڕوبه‌ڕوی یانه‌یه‌كی وه‌ك فالنسیا ده‌بێته‌وه‌، ئه‌گه‌رچی ئێستا هه‌ردوو یانه‌ به‌هۆی نزمی ئاستیانه‌وه‌ ده‌ناڵێنن، به‌ڵام به‌پێی هه‌موو پێشبینیه‌كان یانه‌ی به‌رشه‌ ده‌توانێت سه‌ركه‌وتن به‌ده‌ستیبهێنێت.
جێی ئاماژه‌یه‌ شه‌وی ڕابردوو یانه‌ی خیتافی توانی به‌كۆی ئه‌نجامی یاری چون و گه‌ڕانه‌وه‌ "4*2" به‌سه‌ر یانه‌ی ڕایسینگ سه‌ربكه‌وێت و خۆی بگه‌یه‌نێته‌ یاری کۆتایی.

یاریزانی به‌توانای به‌رازیلی و یانه‌ی به‌رشه‌لۆنه‌ی ئیسپانی ئه‌مجاره‌ش له‌پێكهاته‌ی یانه‌كه‌ی دورخرایه‌وه‌و پێناچێت له‌یاریه‌كه‌ی شه‌وی داهاتوو به‌شداربێت.
به‌پێی ئه‌و لیسته‌ی كه‌ئه‌مڕۆ "فرانك ڕیكارد"ی هۆڵه‌ندی و ڕاهێنه‌ری یانه‌ی به‌رشه‌لۆنه‌ی ئیسپانی وه‌ك پێكهاته‌ی یاریزانان بۆ یاریه‌كه‌ی شه‌وی ڕابردووی یانه‌كه‌ی به‌رامبه‌ر یانه‌ی فالنسیای هاونیشتمانی بڵاویكرده‌وه‌، یاریزانی به‌توانای به‌رازیلی و یانه‌كه‌ "ڕۆناڵدینیۆ" به‌دی ناكرێت و ئه‌مجاره‌ش په‌راوێزخراوه‌.
له‌باره‌ی هۆكاری ده‌ستنیشاننه‌كردنی ئه‌و یاریزانه‌ له‌پێكهاته‌كه‌دا به‌رپرسانی به‌رشه‌لۆنه‌ بۆ بڕیاره‌كانی ڕیكاردی ڕاهێنه‌ریان گێڕایه‌وه‌و به‌ئه‌ركی خۆیان نه‌زانی ده‌ست له‌كاروباره‌كانی ڕاهێنه‌ر وه‌رده‌ن، لای خۆشیه‌وه‌ ریكارد ئه‌وه‌ی ئاشكراكرد كه‌به‌شدارینه‌كردنی ڕۆناڵدینیۆ هیچ په‌یوه‌ندیه‌كی به‌ پێكانه‌وه‌ نیه‌، به‌پێجه‌وانه‌وه‌ په‌یوه‌ندی به‌وهۆكاره‌وه‌ هه‌یه‌ كه‌له‌یاری پێشوشدا به‌رامبه‌ر یانه‌ی ئه‌لمیریا به‌شداری پێنه‌كرا، چونكه‌ به‌وته‌ی ناوبراو به‌هۆی ئه‌وه‌ی له‌كاتی ڕاهێنانی یانه‌كه‌دا بۆ خۆئاماده‌كردن بۆ یاریه‌كانی هه‌فته‌ی بیست و هه‌شت كه‌به‌رامبه‌ر ئه‌لمیریا ده‌بونه‌وه‌، كه‌مته‌رخه‌می نواندووه‌و وه‌ك پێویست ئاستی نه‌بووه‌. ئه‌مه‌ی خواره‌وه‌ ته‌واوی پێكهاته‌كه‌یه‌ كه‌بۆ یاریه‌كه‌ی شه‌وی داهاتوو به‌رامبه‌ر یانه‌ی فالنسیا كه‌له‌میانی یاری گه‌ڕانه‌وه‌ی قۆناغی پێش كۆتایی جامی مه‌له‌كی ئیسپانیا ئه‌نجامده‌درێت.
گۆڵچی: ڤاڵدێز ، بینیتۆ.
به‌رگری: پویۆڵ ، میلیتۆ ، تورام ، زامبرۆتا ، ئه‌بیداڵ ، سلفینیۆ.
ناوه‌ڕاست: یایا تۆرێ ، ئیدمیلسۆن ، ئینێستا ، جافی.
هێرشبردن: گودیۆنسن ، هێنری ، ئیتۆ ، بۆیان.

  (تشاڤی‌ هێرناندیز) یاریزان و ئه‌ستێره‌ی‌ هێڵی‌ ناوه‌ڕأستی‌ یانه‌ی‌ به‌رشه‌لۆنه‌ی‌ ئیسپانی‌ دانی‌ به‌وه‌دانا كه‌یانه‌كه‌یان هه‌لی‌ گونجاو له‌ده‌ست ده‌دات و پێویسته‌ له‌مه‌ودوا ڕۆحی‌ كێبه‌ركێ‌ له‌نێو یاریزانانیدا درووست ببێت .
له‌پاش له‌ده‌ستدانی‌ ئه‌و هه‌له‌ زێڕینه‌ی‌ كه‌ كه‌وتبووه‌ ده‌ستی‌ یانه‌ی‌ به‌رشه‌لۆنه‌ی‌ ئیسپانی‌, دوای‌ دۆڕاندنی‌ یانه‌ی‌ ڕیاڵ مه‌درید و سه‌رله‌نوێ‌ گه‌ڕاندنه‌وه‌ی‌ جیاوازی‌ نێوان خاڵه‌كانیان بۆ پێنچ خاڵ, یاریزانی‌ هێڵی‌ ناوه‌ڕاستی‌ یانه‌ی‌ كه‌ته‌لۆنی‌ (تشاڤی‌ هێرناندیز) ڕایگه‌یاند خۆیشی‌ و هاوڕێكانیشی‌ ڕۆحی‌ مونافه‌سه‌ و گیانی‌ كێبه‌ركێان تیادا نیه‌ كه‌به‌هۆیه‌وه‌ بتوانن پارێزگاری‌ له‌ و ئامانجانه‌ بكه‌ن كه‌له‌كاتی‌ یاریه‌كاندا به‌ده‌ستی‌ ده‌هێنن .
له‌ كۆنگره‌یه‌كی‌ ڕۆژنامه‌وانیدا ئه‌مڕۆ (تشاڤی‌) ووتی‌ به‌شێوه‌یه‌كی‌ گشتی‌ ناتوانین ئه‌و هه‌لانه‌ بقۆزینه‌وه‌ كه‌دێنه‌ پێشمان, وه‌ باشترین به‌ڵگه‌یش بۆسه‌لملندنی‌ ئه‌و ڕاستیه‌ ده‌رچونمان بوو له‌یاری‌ نێوانمان و ئه‌لمێریا ته‌نها به‌خاڵیك كه‌له‌ڕاستیدا ده‌بوایه‌ سێ‌ خاڵی‌ گرنگ به‌ده‌ستبهێنین .
تشاڤی‌ نیگه‌رانه‌ به‌وه‌ی‌ كه‌ئه‌گه‌ر هه‌لی‌ زیاتر له‌ده‌ست بده‌ن بۆ نزیك بوونه‌وه‌یان له‌یانه‌ی‌ ڕیاڵ مه‌درید ئه‌وا به‌ده‌ستهێنانی‌ جامی‌ خولی‌ ئیسپانیا كارێكی‌ مه‌حاڵه‌.

یانه‌ی ئه‌لمیریای ئیسپانی به‌یه‌كسانبونی له‌گه‌ڵ به‌رشه‌لۆنه‌ی هاونیشتمانی دوو خاڵ گرنگی پێشكه‌شی ڕیاڵ مه‌دریدی پێشه‌نگ كرد.
ئه‌مشه‌و له‌خولی لالیگای ئیسپانیدا به‌ئه‌نجامدانی چه‌ند ڕوبه‌ڕوبونه‌وه‌یه‌ك كۆتایی به‌یاریه‌كانی هه‌فته‌ی بیست و هه‌شتی خوله‌كه‌ هات، له‌دیارترین ڕوبه‌ڕوبنه‌وه‌ش، یاری نێوان هه‌ردوو یانه‌ی "ئه‌لمیریا و به‌رشه‌لۆنه‌" بوو، له‌م یاریه‌دا یانه‌ی به‌رشه‌لۆنه‌ له‌هه‌وڵی ئه‌وه‌دابوو بردنه‌وه‌ تۆماربكات و جیاوازی خاڵه‌كانی له‌گه‌ڵ ڕیاڵ مه‌دریدی ڕكابه‌ری نزیك بكاته‌وه‌ پاش ئه‌وه‌ی شه‌وی ڕابردوو دوچاری شكست هات، به‌لام یانه‌ی ئه‌لمیریا هه‌وڵه‌كانی به‌رشه‌ی پوچه‌ڵكرده‌وه‌و دیاریه‌كی گه‌وره‌ی پێشكه‌شی ڕیاڵ كرد، یاریه‌كه‌ به‌یه‌كسانی و به‌دوو گۆڵ بۆ هه‌ردولا كۆتایی هات، هه‌رچه‌نده‌ تا خوله‌كه‌كانی كۆتایی یاریه‌كه‌ به‌رشه‌لۆنه‌ به‌دوو گۆڵ به‌رامبه‌ر گۆڵێك له‌پێشه‌وه‌بوو به‌لام به‌هۆی كرانه‌ دره‌وه‌ی میلیتۆی به‌رگریكاری به‌رشه‌، گۆڵی یه‌كسانی له‌لایه‌ن ئه‌لمیریاوه‌ ۆتماركراو دوو خاڵی گرنگ له‌به‌رشه‌ سه‌نرایه‌وه‌، گۆڵه‌كانیش یاریزانان ""بۆیان و ئیتۆ" له‌خوله‌كه‌كانی "17 و 57" بۆبه‌رشه‌لۆنه‌ و "بۆلیدۆ و ئۆچی" له‌خوله‌كه‌كانی "33 و 85" بۆ ئه‌لمیریا تۆماركران، به‌مه‌ش جیاوازی خاڵه‌كانی نێوان ڕیاڵ و به‌رشه‌ بوه‌ حه‌وت خاڵ و ڕیاڵ به‌كۆی 62 خاڵ له‌پێشه‌نگدا مایه‌وه‌.
ئه‌مانه‌ی خواره‌وه‌ش به‌م ئه‌نجامانه‌ كۆتاییان هات: ڤیاڕیاڵ2*0زه‌ره‌گۆزا ، به‌له‌وه‌لید0*0ئۆساسۆنا ، خیتافی2*1ڕایسینگ ، ئیسپانیۆل2*1مایۆركا ، ئه‌تڵه‌تیكۆ مه‌درید3،0لیڤانتی.