هه‌‌ردوو یانه‌ی مانچسته‌ری ئینگلیزی و به‌رشه‌لۆنه‌ی ئیسپانی به‌سه‌ركه‌وتنه‌كانی ئه‌مشه‌ویان خۆیان نزیك كرده‌وه‌ له‌قۆناغی پێش كۆتایی یانه‌ پاڵه‌وانه‌كان.
شه‌وی ڕابردو دو ڕوبه‌ڕوبونه‌وه‌ی جیاواز له‌میانی یاریه‌كانی ڕۆشتنی قۆناغی چاره‌كی كۆتایی جامی یانه‌ پاڵه‌وانه‌كانی ئه‌وروپا له‌نێوان یانه‌كانی "ڕۆما"ی ئیتاڵی و "مانچسته‌ر یونایتد"ی ئینگلیزی له‌لایه‌ك و "شاڵگه‌"ی ئه‌ڵمانی و "به‌رشه‌لۆنه‌"ی ئیسپانی له‌لایه‌كی تره‌وه‌ ئه‌نجامدران.
یاری یه‌كه‌م كه‌له‌یاریگای ئۆڵۆمپی تایبه‌ت به‌یانه‌ی ڕۆما ئه‌نجامدرا، تیپی تۆپی پێی یانه‌ی مانچسته‌ر یونایتدی ئینگلیزی به‌سه‌ركردایه‌تی یاریزانی به‌توانای پرتوگالی "كریستیانۆ ڕۆناڵدۆ" توانیان سه‌ركه‌وتنێكی مه‌زن به‌ده‌ستبێنن و دوجار تۆڕی گۆڵی یانه‌ی به‌رامبه‌ریان بهه‌ژێنن، له‌كاتێكدا ڕۆناڵدۆ توانی له‌خوله‌كی "39" یه‌كه‌مین گۆڵ تۆماربكات و ڕۆنی ئینگلیزیش له‌خوله‌كی "66" دووه‌مین گۆڵی تۆماركرد، ئه‌م بردنه‌وه‌یه‌ش بۆ یانه‌ی ناوبراو هه‌نگاوێكی مه‌زنه‌و بناغه‌یه‌كه‌ بۆ یاری داهاتوو كه‌بتوانێت به‌ئاسانی سه‌ركه‌وتن بۆ قۆناغی نیوه‌ی كۆتایی پاڵه‌وانێتیه‌كه‌ مسۆگه‌ربكات.
له‌یاری دووه‌مداو له‌یاریگای "ئه‌رینا ئۆف"ی تایبه‌ت به‌یانه‌ی شاڵگه‌ی ئه‌ڵمانی، تیپی تۆپی پێی ئه‌و یانه‌یه‌ پێشوازی له‌یانه‌ی به‌رشه‌لۆنه‌ كرد، یاریه‌كه‌ له‌به‌رژه‌وه‌ندی یانه‌ی میوان "به‌رشه‌لۆنه‌" به‌ئه‌نجامی گۆڵێكی بێ به‌رامبه‌ر كۆتایی هات، گۆڵه‌كه‌ش یاریزانی لاوی ئیسپانی "بۆیان" له‌خوله‌كی 12"ی گێمی یه‌كه‌م تۆماریكرد، به‌مه‌ش یانه‌ی به‌رشه‌ له‌گه‌ڵ ئه‌وه‌ی دڵی هانده‌رانی ئاشتكرده‌وه‌ قۆناغێكی مه‌زنی بڕی به‌نزیك بونه‌وه‌ی له‌یاری نیوه‌ی كۆتایی پاڵه‌وانێتیه‌كه‌.
بڕیاره‌ ئه‌مشه‌ویش دوو یاری تر له‌هه‌مان خول و قۆناغی پاڵه‌وانێتیه‌كه‌ له‌نێوان یانه‌كانی "فه‌نه‌رباخجه‌"ی توركی و "چێڵسی" له‌نده‌نی له‌لایه‌ك و "ئه‌رسناڵ و لیڤه‌رپول"ی ئینگلیزی له‌لایه‌كی تره‌وه‌ ئه‌نجامبدرێت.
یاریه‌كانی گه‌ڕانه‌وه‌ی ئه‌م پاڵه‌وانێتیه‌ش له‌ڕۆژانی "8 و 9"ی ئه‌م مانگه‌ ئه‌نجامده‌درێت.

ئاژانسی هه‌واڵی ئانسای ئیتاڵی ڕایگه‌یاند که‌وا یاریزانی یانه‌ی ڕۆمای پایته‌ختی ئیتاڵیا فرانچیسکۆ تۆتی به‌ هۆی پێکانه‌وه‌ ناتوانێط به‌ژداری بکات له‌یاری یانه‌که‌ی به‌رامبه‌ر به‌یانه‌ی مان یوانایتدی ئینگلیزی له‌خولی یانه‌پاڵه‌وانه‌کانی ئه‌وروپادا که‌وا بڕیاره‌ ئه‌و یاریه‌ سبه‌یشه‌و ساز بدرێت ، له‌هه‌واڵه‌که‌دا هاتوه‌ که‌وا کاپتنی ڕۆما له‌ یاری یانه‌که‌ له‌ خولی ئیتاڵیدا به‌رامبه‌ر یانه‌ی کالیاری هه‌ستی به‌ئازار کردوه‌ هه‌ربۆیه‌ نه‌یتوانیوه‌ یاریه‌که‌ ته‌واو بکات و دانیشتوه‌ وه‌ له‌پاش یاریه‌که‌ که‌ پشکنینی پزیشکی بۆ تۆتی کراوه‌ ده‌رکه‌وتوه‌ که‌ پێی چه‌پی ئازاری تیادایه‌و هه‌ندێ جومگه‌ی تووشی ووشکی هاتوون بۆیه‌ ده‌بێت تۆتی چاره‌سه‌ری بۆ بکرێت و ماوه‌ی 1 هه‌فته‌ یان زیاتر له‌ یاریگا دوور بکه‌وێته‌وه‌.

پێش كه‌مێك كۆتایی به‌ قورعه‌ی قۆناغی هه‌شتی چامپیۆنز هات ئه‌مه‌ش ئه‌نجامه‌كان

لیفه‌رپوول - ئه‌ڕسنال

به‌ڕشلۆنه‌ - شالكه‌

ڕۆما - مان یونایتد

فه‌نارباخچه‌ - چێڵسی

یاریه‌کانی قۆناغی هه‌شت له‌م ڕۆژانه‌دا ئه‌نجام ده‌درێت‌:

یاریه‌کانی رۆشتن له‌ڕۆژی 1و2 مانگی چواری 2008 ئه‌نجام ده‌درێت

یاریه‌کانی گه‌رانه‌وه‌ رۆژی 8 و9 هه‌مان مانگ ئه‌نجام ده‌درێت..

                    له‌ قۆناغی پێش كۆتاییش

براوه‌ی( شالكه ×به‌رشلۆنه‌) × براوه‌ی ( ڕۆما × مانشسته‌ر )

یاریه‌کانی قۆناغی  پێش كۆتاییش له‌م ڕۆژانه‌دا ئه‌نجام ده‌درێت‌:

یاریزانی به‌توانای ئیسپانی و یانه‌ی لیڤه‌رپولی ئینگلیزی، به‌تۆماركردنی گۆڵێك ته‌واوی خۆشیه‌كانی یانه‌ی ئه‌نته‌رمیلانی ئیتاڵی تێكدا.
ئه‌مشه‌و له‌یاریه‌كی دواخراوی قۆناغی دووه‌می جامی یانه‌ پاڵه‌وانه‌كانی ئه‌وروپادا، هه‌ردوو یانه‌ی ئه‌نته‌رمیلانی ئیتاڵی و لیڤه‌رپولی ئینگلیزی، له‌یاری گه‌ڕانه‌وه‌ی خوله‌كه‌دا به‌یه‌ك گه‌شتن، ئه‌م یاریه‌ كه‌له‌یاریگای "جۆزیپی میازا"ی تایبه‌ت به‌یانه‌ ئیتاڵیه‌كه‌ به‌ڕێوه‌چوو، به‌سه‌ركه‌وتنی یانه‌ی لیڤه‌رپول به‌گۆڵێكی بێ به‌رامبه‌ر كۆتایی هات، كه‌یاریزانی ئیسپانی و هێرشبه‌ری یانه‌ ئینگلیزیه‌كه‌ "فرناندۆ تۆرێس" له‌خوله‌كی "64"ی گێمی دوه‌مدا تۆماریكرد، به‌مه‌ش یانه‌ی لیڤه‌رپول به‌ئه‌نجامی هه‌ردوو یاری هاتن و گه‌ڕانه‌وه‌ "3*0" له‌یانه‌ی ئه‌نته‌رمیلانی برده‌وه‌و جگه‌ له‌وه‌ی ئاهه‌نگی سه‌د ساڵه‌ی دامه‌زراندنی لیئَتێكدا له‌پاڵه‌وانێتیه‌كه‌ش كردیه‌ ده‌ره‌وه‌.

 یانه‌ی ئه‌نته‌رمیلانی ئیتاڵی به‌نیازه‌ ئه‌مشه‌و گه‌وره‌ترین سه‌ركه‌وتن به‌سه‌ر یانه‌ی لیڤه‌رپول تۆماربكات و یادی سه‌د ساڵه‌ی پێ براِزێنێته‌وه‌.