به‌خێربێن بۆ مالپه‌ری رێنوار سپۆرت

ئه‌مڕۆ چوارشه‌ممه‌ رۆژنامه‌ی ئه‌ی ئێسی وه‌رزشی ئیسپانی دووپاتیكرده‌وه‌ كه‌ به‌رپرسانی یانه‌ی ریال مه‌دریدی ئیسپانی له‌ تۆپی پێ پلان و ئامانجیان ئه‌وه‌یه‌ كه‌ یاریزانی به‌توانای هۆڵه‌ندی و یانه‌ی ئه‌یاكس ئه‌مستردام، كلاس یان هۆنتلار ببه‌نه‌ ریزه‌كانی یانه‌كه‌یان، له‌ سه‌رووی ئه‌و یاریزانانه‌ی كه‌ یانه‌كه‌ هاوینی داهاتوو به‌ نیازه‌ بیانهێنێته‌ یانه‌كه‌.
له‌مباره‌یه‌وه‌ بیدیا میاتۆڤیچ به‌ڕێوه‌به‌ری تۆپی پێی ریال مه‌درید سه‌رسامی خۆی به‌ ئاستی یاریزان هۆنتلار ده‌ربڕیوه‌، كه‌ ئه‌م وه‌رزه‌ تا ئێستا 27 گۆڵی بۆ یانه‌كه‌ی تۆماركردووه‌ و له‌ سه‌رووی گۆڵكارانی خولی هۆڵه‌ندی دێت، ئه‌مه‌ جگه‌ له‌وه‌ی ته‌مه‌نی ته‌نها 24 ساڵه‌.
رۆژنامه‌ی ئه‌ی ئێس ئه‌وه‌شی ئاشكرا كردووه‌ كه‌ بێرند شوسته‌ری راهێنه‌ری ریال مه‌درید ئاره‌زووی له‌وه‌یه‌ كه‌ بۆندێك له‌گه‌ڵ دیدیه‌ درۆگبای هێرشبه‌ر كۆتدیڤواری مۆربكه‌ن، به‌ڵام به‌هۆی ئه‌و یاریزانه‌ ته‌مه‌نی گه‌یشتۆته‌ 30 ساڵ، به‌ دوور ده‌زانرێت یانه‌كه‌ بۆندی له‌گه‌ڵدا مۆربكه‌ن.



دیێگۆ یاریزانی یانه‌ی ڤێرده‌ربرێمنی ئه‌ڵمانی، له‌ لێدوانێكدا  ئاماده‌یی خۆی نیشان داوه‌ بۆ دووباره‌ گفتوگۆكردن له‌گه‌ڵ یانه‌ی ڕیال مه‌درید به‌ مه‌به‌ستی چوونی بۆ ئه‌و یانه‌یه‌، ئه‌و له‌م باره‌یه‌وه‌ گوتی: "ئێستا كاته‌كه‌ زۆر گونجاوه‌ بۆ گفتوگۆكردن".
له‌ درێژه‌ی لێدوانه‌كه‌یدا دیێگۆ گوتیشی: ڕاسته‌ مێژووی یارییكردنم له‌ خولی ئه‌ڵمانیدا (بۆندسلیگا) درێژ نییه‌، به‌ڵام له‌ هه‌مان كاتیشدا كاتی ئه‌وه‌ هاتووه‌ ئه‌م خوله‌ جێبهێڵم.
 به‌ پێی ئه‌و ڕاپۆرته‌ هه‌واڵانه‌ی كه‌ (وێڵت ئه‌م سونناته‌گ) خستوویه‌تییه‌ روو، یانه‌ی ڤێرده‌ربرێمن له‌ به‌رانبه‌ر گواستنه‌وه‌ی دیێگۆ بۆ یانه‌ی ڕیال مه‌درید داوای بڕی 30 ملیۆن یۆرۆی كردووه‌، جێی سه‌رنجه‌ كاتێك دیێگۆ له‌ ساڵی 2005دا له‌ یانه‌ی پۆرتۆی پورتوگالییه‌وه‌ گواسترایه‌وه‌ یانه‌ی برێمه‌ن، برِی گرێبه‌سته‌كه‌ی ته‌نیا 5 ملیۆن یۆرۆ بوو، هه‌روه‌ها ئێستا سه‌رباری ئه‌و برِه‌  پاره‌ زۆره‌ی كه‌ بۆ فرۆشتنی دیێگۆ داوا كراوه‌، یانه‌ی ڕیال مه‌درید ڕازییه‌ كه‌ به‌و نرخه‌ ئه‌و یاریزانه‌ بكرِێت، به‌ پێی ئه‌م هه‌مان سه‌رچاوه‌ یاریزانی هێڵی ناوه‌ڕاستی به‌ڕازیلی، ئێستا له‌ یانه‌ی ڤێرده‌ر برێمن هه‌ست به‌ نائاسووده‌یی ده‌كات، بۆیه‌ ناوبراو ئاره‌زوو ده‌كات ئه‌ڵمانیا جێ بهێڵێت و ڕوو له‌ یانه‌یه‌كی دیكه‌ بكات.
هه‌ر به‌ پێی ئه‌و زانیارییانه‌ی كه‌ (وێڵت ئه‌م سونناته‌گ) باسی كردووه‌، هۆكارێكی دیكه‌ بۆ ڕۆیشتنی دیێگۆ له‌ برێمه‌ن، له‌ده‌ستدانی خولی بۆندسلیگای ساڵی ڕابردوو و ده‌رچوونیان له‌ جامی یه‌كێتی ئه‌ورووپای ئه‌مساڵ بوو.



ه‌ردوو یاریزانی لاوی كورد هاوار مه‌لا موحه‌مه‌د و هه‌ڵگوردی برای بونه‌ته‌ ئامانجی سه‌ره‌كی دوو یانه‌ی به‌هێزی قه‌ته‌ری.
پاش ئه‌وه‌ی تیپی تۆپی پێی یانه‌ی وه‌رزشی سلێمانی بڕیاریدا ده‌ستبه‌رداری "هه‌ڵگورد مه‌لا موحه‌مه‌د"ی یاریزانی ناوسراوی هه‌ڵبژارده‌ی ئۆڵۆمپی عێرا بێت، بڕیاره‌ له‌كۆتایی ئه‌م وه‌رزه‌دا به‌بۆندێك به‌ره‌و یانه‌ی خوری قه‌ته‌ری به‌ڕێبكه‌وێت و له‌وه‌رزی داهاتودا وه‌ك یاریزانێكی نوێی یانه‌كه‌ له‌خولی قه‌ته‌ری یاری بۆ یانه‌ نوێكه‌ی بكات، ئه‌مه‌ش له‌كاتێكدا دێت هاوار مه‌لا موحه‌مه‌دی برای هه‌ڵگورد كه‌ئێستا له‌ڕیزه‌كانی یانه‌ی خوری قه‌ته‌ری یاری ده‌كات، له‌كۆتایی ئه‌م وه‌رزه‌دا بۆنده‌كه‌ی له‌گه‌ڵ یانه‌ی ناوبراو كۆتایی دێت، بۆیه‌ یانه‌ی غه‌رافه‌ی هه‌مان وڵات چاوی بڕیوه‌ته‌ ئه‌و یاریزانه‌و ده‌یه‌وێت بۆ وه‌رزی داهاتوو په‌لكێشی ڕیزه‌كانی بكات و له‌گه‌ڵ یونس مه‌حمودی هاونیشتمانی هاوار دوانه‌یه‌كی به‌هێزی هێرشبردن دروستبکه‌ن.



ئه‌مڕۆ رۆژنامه‌ی مارکای ئیسپانی دووپاتی کرده‌وه‌ که‌وا یانه‌ی ریال مه‌درید له‌گه‌ڵ به‌ڕێوبه‌ری کاره‌کانی یاریزانی یانه‌ی سیڤیلیا لویس فابیانۆ کۆبۆته‌وه‌ بۆ ڕێکه‌وتن له‌سه‌ر مۆر کردنی بۆندێک بۆ ئه‌وه‌ی له‌ ساڵی داهاتوو فابیانۆ بگوازرێته‌وه‌ بۆ یانه‌ی پادشایه‌تی…به‌ڕێوبه‌ری کاره‌کانی فابیانۆ له‌ به‌رامبه‌ردا داوای 11 ملیۆن یۆرۆی کردووه‌ به‌ مه‌رجێک یانه‌ی سیڤیلیا ڕێگا به‌ فابیانۆ بدات و هه‌موو مافێکی گواستنه‌وه‌ ی پێ ببه‌خشێت …ماوه‌ بڵێین فابیانۆ ئێستا له‌ لوتکه‌ی گۆڵکارانی خولی ئیسپانی دا دێت به‌ 20 گۆل .



ئه‌ستێره‌ی‌ به‌ناوبانگی‌ یانه‌ی‌ چێڵسی‌ ئینگلیزی‌ (فرانك لامپارد) پشتڕاستی‌ كرده‌وه‌ كه‌ هه‌ست به‌ نیگه‌رانی‌ ته‌واو ده‌كات به‌رامبه‌ر به‌یانه‌كه‌ی‌ .
ئه‌م ووتانه‌ی‌ (لامپارد) له‌كاتێكدا هات كه‌یانه‌ی‌ چێڵسی‌ ئاماده‌ی‌ نوێكردنه‌وه‌ی‌ بۆندی‌ یاریكردن نه‌بووه‌وه‌ له‌گه‌ڵ ناوبراودا, جێگه‌ی‌ ئاماژه‌ پێكردنه‌ كه‌ (لامپارد) یاریزانی‌ هێڵی‌ ناوه‌ڕاستی‌ یانه‌ی‌ چێڵسی‌ له‌ هاوینی‌ ساڵی‌ 2009 دا بۆندی‌ گرێبه‌ستیه‌كه‌ی‌ له‌گه‌ڵ یانه‌كه‌یدا كۆتای‌ پێدێت .
له‌ ووته‌كانیدا لامپارد خۆشحاڵی‌ خۆی‌ بۆ یاریكردن له‌گه‌ڵ چێلسی‌ دووپاتكرده‌وه‌ له‌كاتێكدا كه‌هه‌واڵه‌كان ئه‌وه‌ ڕاده‌گه‌یه‌نن كه‌ ناوبراو ده‌یه‌وێت بچێته‌ ڕیزی‌ یانه‌كانی‌ ئیسپانیاوه‌ .



ڕۆژنامه‌ی ده‌یلی ستار ڕایگه‌یاند که‌وا هه‌ردوو یانه‌ی مان یونایتدی ئینگلیزی و به‌رشه‌لۆنه‌ی ئیسپانی له‌ کێبه‌رکێدان له‌ پێناو به‌ده‌ست هێنانی تواناکانی یاریزانی به‌رگریکاری ئه‌ڵمانی فلیپ لام که‌ ئێستا له‌ڕیزاکانی بایرن میونخ دا یاری ده‌کات ، وهرۆژنامه‌که‌ ڕایگه‌یاندوه‌ که‌وا یانه‌ی مانچسته‌ر وه‌ک سه‌ره‌تایه‌ک بڕی 8.5 ملیۆن یۆرۆ ده‌دات له‌به‌رامبه‌ر تواناکنی لام دا ، وه‌یانه‌ی به‌رشه‌لۆنه‌ش له‌ پارساڵه‌وه‌ گرنگیه‌کی زۆر ده‌دات به‌ فلیپ بۆ ئه‌وه‌ی بیهێنێته‌ ڕیزه‌کانیه‌وه‌، ئه‌و جه‌نگه‌ی ئه‌و دوو یانه‌ له‌سه‌ر یاریزان لام له‌کاتێکدا دێت که‌وا یانه‌ی مانچسته‌ر له‌ ئیستادا پێویستیه‌کی زۆری به‌و هه‌یه‌ له‌جێگه‌ی گاری نیڤڵ چونکه‌ نیڤڵ ناو به‌ناو توشی پێکان ده‌بێت و نه‌بونی به‌ مان یونایتده‌وه‌ دیار ده‌بێت به‌ڵام یانه‌ی به‌رشه‌لۆنه‌ ده‌یه‌وێت له‌ جێگه‌ی زامبڕۆتا یاری به‌ لام بکات چونکه‌ زامبڕۆتا وه‌ک له‌ هه‌واڵه‌که‌دا هاتوه‌ به‌سوود نه‌بوه‌ بۆ به‌رشه‌لۆنه‌ و وه‌ ته‌مه‌نیشی گه‌وره‌یه‌ و ئاستی ڕوو له‌داڕمانه‌.به‌رشه‌لۆنه‌ و مان یونایتد نزیکه‌ جه‌نگ بکه‌ن له‌پیناو لام دا .

renwarsport.com



ماسیمۆ مۆراتی، سه‌رۆكی یانه‌ی ئینته‌ر میلانی ئیتاڵی له‌ تۆپی پێ ئه‌وه‌ی بۆ ده‌زگه‌كانی رِاگه‌یاندن خسته‌ رِوو كه‌ ئاره‌زوویان له‌ كرِینی مێسیی ئه‌رژه‌نتینی و یاریزانی یانه‌ی به‌رشلۆنه‌ی ئیسپانی هه‌یه‌، بۆ ئه‌وه‌ی له‌ وه‌رزی داهاتووی خولی ئیتاڵیادا یارییان بۆ بكات، هاوكات سه‌رۆكی ئینته‌ر ئه‌وه‌شی رِاگه‌یاند كه‌ ئه‌وان ده‌یانه‌وێت چه‌ند یاریزانێكی دیكه‌ بهێننه‌ رِیزه‌كانیانه‌وه‌ بۆ ئه‌وه‌ی رِكابه‌ریی له‌سه‌ر جامی خولی یانه‌ پاڵه‌وانه‌كانی ئه‌ورووپادا بكه‌ن، ئه‌و زیاتر گوتی:" ئێستا ئینته‌ر خولی یانه‌ پاڵه‌وانه‌كانی له‌ لا گرینگه‌".
مۆراتی ئه‌وه‌شی رِاگه‌یاند كه‌ له‌ سه‌رووی هه‌موو ئه‌و یاریزانانه‌ی كه‌ له‌ به‌رنامه‌یاندایه‌ بۆ ئه‌وه‌ی بیهێننه‌ رِیزه‌كانیانه‌وه‌، (لیۆنێل مێسیـ)ـی ئه‌رژه‌نتینییه‌، هۆكاری بیركردنه‌وه‌ی ئه‌وانه‌یشی بۆ كرِینی ئه‌و یاریزانانه‌ بۆ ئه‌وه‌ گه‌رِانده‌وه‌ كه‌ له‌ خوله‌كانی داهاتووی نێوخۆیی و ده‌ره‌كیدا رِكابه‌رییه‌كان به‌هێزتر ده‌بن، ئه‌و له‌سه‌ر مێسی گوتی:" یاریزانێكی به‌ توانایه‌ و له‌ ته‌مه‌نیشدا بچووكه‌، هه‌روه‌ها له‌ باشترین یاریزانه‌كانی جیهانه‌، بۆیه‌ ئێمه‌ش ده‌مانه‌وێت بۆندی له‌گه‌ڵدا مۆر بكه‌ین، بۆ ئه‌م مه‌به‌سته‌ش پێوه‌ندییمان به‌ خوان لاپۆرتاوه‌ كردووه‌ و بۆ جه‌ژنی یادی 100 ساڵه‌ی ئینته‌رمیلانیش بانگهێشتمان كرد و قسه‌شمان له‌گه‌ڵدا كردووه‌، به‌لاَم هاوكاتیش مۆركردنی بۆند له‌گه‌ڵ وه‌ها یاریزانێكدا ئاسان نییه‌ و مه‌رج و رِێنمایی تایبه‌تی بۆ ئه‌و باره‌ پێویستن، ده‌شمانه‌وێت ئه‌و یاریزانه‌ بكه‌ینه‌ دیاری بۆ هانده‌رانی یانه‌كه‌مان، به‌بۆنه‌ی یادی 100 ساڵه‌ی دامه‌زراندنی یانه‌ی ئینته‌ر میلانه‌وه‌.
هه‌روه‌ها له‌ لایه‌كی دیكه‌وه‌ رِۆژنامه‌ ئیسپانی و كاته‌لۆنییه‌كان ئه‌وه‌یان رِاگه‌یاندووه‌ له‌وانه‌یه‌ یانه‌ی به‌رشلۆنه‌ به‌ هۆی زۆری ژماره‌ی ئه‌و پێكانانه‌ی دووچاری مێسی ده‌بن، ده‌ستبه‌رداری ئه‌و یاریزانه‌ ببن و مێسی بفرۆشن.



هه‌ردوو یانه‌ی‌ ریال مه‌درید و چه‌ڵسی‌ كێبڕكێ‌ ده‌كه‌ن بۆ هێنانی‌ مارتن كاسیریسی‌ و ئۆرۆگوای‌ و یاریزانی‌ هێڵی‌ به‌رگری‌ یانه‌ی‌ ریكریاتیڤۆی‌ ئیسپانی‌ .
ڕۆژنامه‌ی‌ ماركای‌ ئیسپانی‌ بڵاویكرده‌وه‌ : كه‌ هه‌ردوو یانه‌ی‌ ڕیال مه‌دریدی‌ ئیسپانی‌ و چه‌ڵسی‌ ئینگلیزی‌ له‌هه‌وڵی‌ ئه‌وه‌دان كه‌ مارتن كاسیریسی‌ ئۆرۆگوای‌ كه‌ ئێستا له‌ڕیزی‌ یانه‌ی‌ ریكریاتیڤۆ به‌شێوه‌ی‌ خواستن یاری‌ ده‌كات و له‌وه‌رزی‌ داهاتوودا ده‌گه‌ڕێته‌وه‌ بۆ یانه‌ سه‌ره‌كیه‌كه‌ی‌ كه‌ یانه‌ی‌ ڤیاریاله‌ ، بهێننه‌ ڕیزه‌كانیانه‌وه‌ .
ڕۆژنامه‌كه‌ ئه‌وه‌شی‌ ئاشكرا كرد كه‌ یانه‌ی‌ ڤیاریال بۆندێكی‌ یانه‌ی‌ چه‌ڵسی‌ به‌بڕی‌ 10 ملیۆن یۆرۆ ڕه‌تكردۆته‌وه‌ له‌به‌رامبه‌ر ئه‌وه‌ی‌ كه‌ ده‌ست به‌رداری‌ ئه‌و یاریزانه‌ ببێت و ئه‌وه‌شی‌ ئاشكرا كرد كه‌ یانه‌ی‌ ریال مه‌درید 20 ملیۆن یۆرۆی‌ داناوه‌ له‌به‌رامبه‌ر هێنانی‌ كاسیریسدا .
جێی‌ ئاماژه‌ پێكردنه‌ كاسیریس یه‌كێكه‌ له‌ ئه‌ستێره‌كانی‌ هه‌ڵبژارده‌ی‌ لاوانی‌ ئۆرۆگوای‌ خوار ته‌مه‌ن 20 ساڵ و به‌شداری‌ له‌پاڵه‌وانێتی‌ ئه‌مریكای‌ باشور بۆ لاوان و جامی‌ جیهانی‌ لاوانی‌ كردوه‌ له‌ساڵی‌ رابردوودا .






ته‌واوی په‌ڕگه‌کانی وێبلاگ


ژماره‌ی کرته‌کان له‌م بلاگه‌