ئه‌م مانگه‌ش هه‌ڵبژارده‌ی تۆپی پێی ئه‌رجه‌نتین سه‌رو ڕیزبه‌ندی باشترین هه‌ڵبژارده‌كانی جیهانی گرته‌وه‌و به‌یه‌كه‌م هه‌ڵبژارده‌ی جیهان ده‌ستنیشانكرایه‌وه‌.
له‌ڕیزبه‌ندی ئه‌م مانگه‌ی یه‌كێتی تۆپی پێی جیهانی "فیفا"دا دیسانه‌وه‌ هه‌ڵبژارده‌ی تانگۆی ئه‌رجه‌نتین له‌پێگه‌ی خۆی مایه‌وه‌و بۆ شه‌شه‌مین مانگ له‌سه‌ر یه‌ك وه‌ك باشترین هه‌ڵبژارده‌ی جیهان ده‌ستنیشانكرایه‌وه‌.
به‌پێی ئه‌و ڕیزبه‌ندیه‌ كه‌ئه‌مڕۆ سایتی "فیفا" بڵاویكرده‌وه‌ هه‌ڵبژارده‌ی ئه‌رجه‌نتین به‌كۆكردنه‌وه‌ی "1556" خاڵ بوه‌ باشترین هه‌ڵبژارده‌ی جیهان له‌م مانگه‌دا، به‌دوای ئه‌ویشدا هه‌ڵبژارده‌ی به‌رازیل 1514 خاڵ پله‌ی دووه‌می گرتووه‌و هه‌ریه‌ك له‌هه‌ڵبژارده‌كانی "ئیتاڵیا و ئیسپانیا و ئه‌ڵمانیا" به‌پێی خاڵ له‌پله‌كانی سێهه‌می و چواره‌می و پێنجه‌می ڕیزبه‌ندنیه‌كه‌دا هاتوون.
ئه‌مه‌ی خواره‌وه‌ش ڕیزبه‌ندی 10 باشترین هه‌ڵبژارده‌ی جیهانه‌:
ئه‌رجه‌نتین 1556 خاڵ.
به‌رازیل 1514 خاڵ.
ئیتاڵیا 1505 خاڵ.
ئیسپانیا 1355 خاڵ.
ئه‌ڵمانیا 1294 خاڵ.
چیك 1253 خاڵ.
فه‌ره‌نسا 1234 خاڵ.
پرتوگال 1206 خاڵ.
هۆڵه‌ندا 1179 خاڵ.
یۆنان 1160 خاڵ.
له‌ریزبه‌ندی باشترین هه‌ڵبژارده‌كانی كیشوه‌ری ئاسیادا هه‌ڵبژارده‌ی "عێراق" به‌كۆكردنه‌وه‌ی "483" خاڵ له‌پله‌ی شه‌شه‌می ڕیزبه‌ندیه‌كه‌دا هاتووه‌، به‌وپێیه‌ش له‌ریزی شه‌ست و هه‌شته‌مینی هه‌ڵبژارده‌كانی جیهان دێت.